یونیسف پاکستان کی ڈپٹی نمائندہ شرمیلا رسول اور سربراہ برائے فیلڈ آپریشنز و ہنگامی امور اسکاٹ وہولیری نے جنوبی پنجاب کے مظفرگڑھ اور ملتان کے سیلاب متاثرہ اضلاع کا معائنہ کیا جہاں خاندان اپنے متاثرہ مکانات کی طرف واپس لوٹ رہے تھے۔ دورے کے دوران انہوں نے تباہ شدہ گھر، بارش کے پانی میں ڈوبی جگہیں اور دوبارہ بسائی جانے والی بستیوں کی صورت حال کا مشاہدہ کیا۔مقامی خاندانوں نے متاثرین کی بنیادی ضروریات کے بارے میں بیاں کیا اور بچوں کی خصوصی مشکلات کے بارے میں آگاہ کیا۔ شرمیلا رسول اور اسکاٹ وہولیری نے بچوں کی تعلیم، صحت اور حفاظت سے متعلق فوری سہولتوں کی ضرورت سنی اور اس عزم کا اظہار کیا کہ متاثرین خصوصاً بچوں کی فلاح و بحالی اولین ترجیح ہے۔ سیلاب متاثرین کی واپسی کے عمل میں بنیادی سہولیات کی عدم موجودگی نے زندگی کو مزید مشکل بنا دیا ہے۔کھڑی اور جمی ہوئی بارش کے پانی سے پانی سے ہونے والی اور کیڑے مکوڑوں سے پھیلنے والی بیماریاں تیزی سے پھیل رہی ہیں، جس سے بچوں کی صحت کو سنگین خطرات لاحق ہیں۔ یونیسف نے مقامی صحت اور صفائی کے خدشات پر زور دیتے ہوئے کہا کہ فوری طبی نگرانی اور پانی کے معیار کی بحالی ضروری ہے تاکہ بیماریوں کے پھیلاؤ کو روکا جا سکے۔یونیسف، حکومتِ پنجاب اور شراکت داروں کے تعاون سے محفوظ پانی تک رسائی بحال کرنے، عارضی بیت الخلاء قائم کرنے، عارضی تعلیمی مراکز لگانے اور بچوں کے لیے محفوظ جگہیں مہیا کرنے کے اقدامات جاری ہیں تاکہ بچے تعلیمی سلسلے کو جاری رکھ سکیں اور کھلونے اور رہنمائی کے ذریعے جذباتی سہارا حاصل کریں۔ یہ اقدامات سیلاب متاثرین کی پہلی مرحلے کی بحالی کے لیے اہم قرار دیے گئے ہیں۔تاہم متاثرین کی مکمل بحالی کے لیے وسیع پیمانے پر امداد اور مربوط حکومتی و سماجی کوششیں درکار ہیں۔ سیلاب متاثرین کی منزلِ آخری بحالی اور بچوں کی محفوظ زندگی کے لیے اجتماعی اقدامات ناگزیر ہیں تاکہ ہر متاثرہ خاندان اپنے مستقبل کی تعمیر شروع کر سکے۔
مظفرگڑھ و ملتان میں سیلاب متاثرین کی واپسی
کوئی تبصرہ نہیں ہے۔
