جاپانی سفیر کا پشاور میوزیم میں گندھارا ورثے کا معائنہ

15 دسمبر کو جاپان کے سفیر اکاماتسو شوئیچی نے پشاور میوزیم کا دورہ کیا۔ انہوں نے گندھارا سے جاپان تک مہایانہ بدھ مت کے سفر پر غور کیا اور اس تاریخی ربط کی معنویت کا جائزہ لیا۔ سفیر نے گندھارا کے بدھ متی ورثے کی جاپان میں مستقل مقبولیت پر خاص طور پر روشنی ڈالی۔میزیم میں رکھے آثارِ قدیمہ اور مجسموں کا بغور معائنہ کرتے ہوئے انہوں نے کہا کہ یہ شواہد دونوں تہذیبوں کے درمیان قدیم ثقافتی رابطوں کو ظاہر کرتے ہیں۔ گندھارا ورثہ کی بات کرتے ہوئے سفیر نے کہا کہ ایسی تاریخی یادگاریں ثقافتی تعاون اور باہمی سمجھ بوجھ کو فروغ دینے میں اہم کردار ادا کرتی ہیں۔دورے کے دوران اکاماتسو شوئیچی نے مقامی ماہرین اور میوزیم کے عملے سے تبادلۂ خیال کیا اور گندھارا ورثہ کی حفاظت اور ترویج کے معاملات پر گفتگو کی۔ اس دورے کو دونوں ملکوں کے ثقافتی تبادلوں کی گہرائی اور تاریخی ربط کی تصدیق سمجھا جا رہا ہے۔