وفاقی وزیر ریلوے حنیف عباسی نے صحافیوں سے ملاقات میں کہا کہ جب تک عزت ملتی رہے گی، سیاست کا سفر جاری رہے گا۔ ان کا کہنا تھا کہ عزت سب سے بڑی دولت ہے اور اسی پر کامیابی کا دارومدار ہے۔
ملاقات کے دوران راولپنڈی اور دیگر علاقوں میں ریلوے نظام کی بہتری کے مختلف منصوبوں پر بھی بات چیت ہوئی۔ حنیف عباسی نے راولپنڈی میں چلڈرن ہسپتال کو جلد آپریشنل کرنے، یورولوجی ہسپتال میں جگر اور گردے کی پیوندکاری کے آغاز اور کارڈیالوجی ہسپتال میں نئے او پی ڈی بلاک کی جلد تکمیل کے منصوبوں پر پیش رفت سے صحافیوں کو آگاہ کیا۔
مزید براں، گفتگو میں راولپنڈی کے مختلف سرکاری محکموں کی کارکردگی اور شہری سہولیات کی فراہمی پر بھی تبادلہ خیال ہوا۔ صحافیوں نے جاری منصوبوں میں تیزی اور بہتری پر اطمینان کا اظہار کیا جبکہ وزیر ریلوے نے تمام انتظامیہ کو شہر کی فلاح و بہبود کے لئے اقدامات تیز کرنے کی ہدایت کی۔
