لاہور میں محکمہ ماحولیات پنجاب کی جانب سے ملک بھر کے ماحولیاتی اداروں کے ڈائریکٹر جنرلز کی کانفرنس منعقد ہوئی جہاں صوبائی اور وفاقی سطح پر ماحولیاتی تحفظ کے حوالے سے مشترکہ حکمت عملی پر تبادلہ خیال کیا گیا۔ شرکاء نے فضائی اور آبی آلودگی، فضلہ مینجمنٹ اور صنعتی کے کنٹرول سمیت ماحولیاتی نگرانی کے نظام کو مضبوط بنانے کے عملی اقدامات پر زور دیا۔کانفرنس میں مختلف خطوں سے آئے ہوئے نمائندوں نے مقامی سطح پر درپیش چیلنجز اور ان کے حل کے لیے تجربات کا تبادلہ کیا اور بتایا گیا کہ بہتر ہم آہنگی اور ایک مشترکہ فریم ورک کے ذریعے ماحولیاتی خطرات کو مؤثر طریقے سے کم کیا جا سکتا ہے۔ شرکاء نے اس بات پر اتفاق کیا کہ ماحولیات ادارے ایک دوسرے کے ساتھ معلومات اور وسائل کا تبادلہ بڑھائیں گے تاکہ نگرانی اور قانون کی عملی نفاذ میں بہتری آئے۔شرکاء نے ٹیکنیکل صلاحیتوں کی بڑھوتری، تربیتی پروگراموں کی ضرورت اور مربوط مانیٹرنگ کے طریقہ کار پر بھی بات چیت کی۔ کانفرنس میں شامل ماہرین نے کہا کہ چھوٹے اور بڑے شہروں کے لیے منظم منصوبہ بندی ضروری ہے تاکہ روزمرہ زندگی اور صنعت دونوں کے اثرات کو کم کیا جا سکے اور عوامی صحت کا تحفظ ممکن ہو سکے۔کانفرنس کے شرکاء نے آئندہ لائحہ عمل میں مشترکہ مانیٹرنگ، ڈیٹا شیئرنگ اور ایک دوسرے کے تجربات سے استفادہ کو اہم قرار دیا تاکہ ملک بھر کے ماحولیاتی معیار بہتر ہوں اور عوام کو صاف ماحول فراہم کرنے کی کوششیں تیز ہوں۔
محکمہ ماحولیات کے اداروں کی سربراہی کانفرنس لاہور میں
کوئی تبصرہ نہیں ہے۔
