جرمن سفارتخانے کے سربراہ برائے کمیونیکیشن اور ثقافتی امور یان کراوسر اور ان کی اہلیہ کا کومسیٹس یونیورسٹی ایبٹ آباد میں پرتپاک استقبال کیا گیا، جہاں انہوں نے پاک-جرمن اشتراک سے شروع ہونے والے اہم منصوبے "Empowering Future Female Afghan Leaders” کی تقریب میں شرکت کی۔ اس منصوبے کا مقصد پاکستانی اور افغانی اسکالرز، مرد و خواتین دونوں کی معاونت کرنا ہے، تاکہ اعلیٰ تعلیم اور قیادت کے مواقع فراہم کیے جا سکیں۔
تقریب کے موقع پر جرمن سفارتخانے نے کومسیٹس یونیورسٹی اور ہائر ایجوکیشن کمیشن پاکستان کا بھرپور شکریہ ادا کیا کہ انہوں نے اس اہم پروگرام کے انعقاد اور کامیابی کے لیے اہم کردار ادا کیا۔ یہ منصوبہ بطور خاص افغان لڑکیوں اور خواتین کو بااختیار بنانے پر توجہ دے رہا ہے تاکہ وہ معاشرے میں مثالی کردار ادا کر سکیں۔
شرکاء نے اس پروگرام کو پاک-جرمن دوستی کے مضبوط رشتے کی بہترین مثال قرار دیا اور اُمید ظاہر کی کہ ایسے تعلیمی منصوبے خطے میں خواتین کی ترقی کے لیے حوصلہ افزا ثابت ہوں گے۔
