بلال اظہر کیانی کی زیرصدارت ہونے والے مباحثاتی اجلاس میں ملک کے کاروباری نمائندوں اور مختلف شہروں کے چیمبرز آف کامرس کے صدور و نمائندے شامل تھے جہاں ملکی معیشت کی بحالی اور برآمدی نمو کو مرکزی حکمتِ عملی قرار دیا گیا۔ اس اجتماع کا اہتمام خصوصی سرمایہ کاری سہولت کونسل کی سربراہی میں کیا گیا جس میں متعلقہ وفاقی محکموں کے عہدیدار بھی موجود تھے۔اجلاس میں صنعت و تجارت، محصولات کے ادارے، اسٹیٹ بینک اور وزارتِ تجارت، وزارتِ صنعت، وزارتِ پٹرولیم اور وزارتِ توانائی کے نمائندوں نے شرکت کر کے کاروباری شعبے کو درپیش رجولیٹری اور آپریشنل مسائل پر تفصیلی تبادلۂ خیال کیا۔ شرکاء نے آسان کاروبار کے فروغ، سرمایہ کاری کے ماحول کی بہتری اور برآمدی نمو میں رکاوٹوں کی نشان دہی کی۔وزیر مملکت نے سرکاری پالیسیوں میں شفافیت، استحکام اور پیش گوئی کی صلاحیت کو یقینی بنانے کے عزم کا اعادہ کرتے ہوئے کہا کہ حکومتی توجہ کا مرکز نجی شعبے کی قیادت میں معاشی بحالی اور برآمدی نمو ہے۔ انہوں نے متعلقہ وزارتوں اور محکموں کو ہدایت کی کہ کاروباری برادری کی جانب سے اٹھائے گئے مسائل کے فوری اور مربوط حل کے لیے عملی اقدامات کیے جائیں۔شرکاء نے خصوصی سرمایہ کاری سہولت کونسل کے فعال اور مسئلہ حل کرنے والے کردار کو سراہا اور کہا کہ اس فورم نے کاروباری ماحول کو آسان بنانے اور سرمایہ کاروں کے اعتماد میں اضافہ کرنے میں نمایاں کردار ادا کیا ہے۔ کاروباری برادری نے باقاعدہ مشاورت کے تسلسل کی اہمیت پر زور دیا تاکہ اصلاحات مستقل اور نتیجہ خیز ہوں۔اجلاس کے دوران گزشتہ ملاقات میں طے پانے والے فیصلوں پر عملداری کا جائزہ بھی لیا گیا اور متعلقہ محکموں کی جانب سے اٹھائے گئے اقدامات کی تعریف کی گئی۔ وزیر مملکت نے باقی ماندہ امور کی موثر تکمیل کے لیے واضح وقت بندی اور ذمہ داریوں کی تفویض کی ہدایت کی اور نئے اٹھائے گئے مسائل کے حل کے لیے فوری کاروائی کا حکم دیا۔مباحثے کے اختتام پر وزیر مملکت نے اس فورم کے ذریعہ کاروباری برادری کے ساتھ جاری تعمیری بات چیت اور باقاعدہ مشاورت کو جاری رکھنے کی یقین دہانی کروائی تاکہ برآمدی نمو اور مجموعی اقتصادی بحالی کے ہدف کو متاثر کن انداز میں حاصل کیا جا سکے۔
حکومت کی معاشی بحالی اور برآمدی نمو
کوئی تبصرہ نہیں ہے۔
