کراچی — Dun & Bradstreet نے مسلسل دوسرے سال TrustArc کی جانب سے TRUSTe ریسپانسبل آرٹیفیشل انٹیلی جنس (AI) سرٹیفکیشن حاصل کر لی ہے، جو کمپنی کے اے آئی گورننس اور نگرانی کے نظام کا آزادانہ جائزہ لینے کے بعد دی گئی۔
یہ سرٹیفکیشن اس بات کا جائزہ لیتی ہے کہ ادارے مصنوعی ذہانت کے نظام کی تیاری اور استعمال کو کس حد تک ذمہ داری اور مؤثر رسک مینجمنٹ کے ساتھ انجام دیتے ہیں۔ رواں سال یہ سرٹیفکیشن ڈن اینڈ بریڈ اسٹریٹ کی کلائنٹ سروسز کے ساتھ ساتھ اندرونی نظاموں تک بھی توسیع دی گئی ہے۔
کمپنی کے مطابق آرٹیفیشل انٹیلی جنس کو اس کی بنیادی خدمات میں شامل کیا گیا ہے تاکہ کاروباری فیصلوں کو بہتر بنایا جا سکے۔ اس مقصد کے لیے ایک منظم گورننس فریم ورک اپنایا گیا ہے، جو اے آئی کے استعمال کو ذمہ دارانہ اصولوں اور ڈیٹا کے مؤثر تحفظ کے مطابق یقینی بناتا ہے۔
یہ سرٹیفکیشن اس بات کی عکاسی کرتی ہے کہ کمپنی مصنوعی ذہانت کے بڑھتے ہوئے کردار کے پیشِ نظر اس کے استعمال کے لیے مؤثر ضوابط اور کنٹرولز کو مزید مضبوط بنا رہی ہے۔
پاکستان میں Dun & Bradstreet Pakistan، جو Dun & Bradstreet South Asia Middle East Ltd. کے تحت کام کر رہی ہے، اے آئی پر مبنی حل کے ذریعے ڈیجیٹل تبدیلی کو فروغ دے رہی ہے۔ ان ٹیکنالوجیز کے ذریعے مقامی اداروں کو بہتر بزنس انٹیلیجنس اور ڈیٹا پر مبنی فیصلوں میں مدد فراہم کی جا رہی ہے۔
ڈن اینڈ بریڈ اسٹریٹ کے عالمی نیٹ ورک اور ذمہ دار اے آئی فریم ورک کو ملنے والی یہ عالمی سطح کی پذیرائی اس عزم کو مزید مضبوط بناتی ہے کہ کمپنی مستند ڈیٹا اور جدید تجزیاتی ٹیکنالوجی کو ذمہ داری کے ساتھ استعمال کرتے ہوئے دنیا بھر میں کاروباری ترقی کو فروغ دیتی رہے گی۔
کمپنی کے عالمی ڈیٹا بیس میں 60 کروڑ سے زائد کاروباری اداروں کی معلومات شامل ہیں، جو مختلف تنظیموں کو بہتر فیصلے کرنے اور پائیدار ترقی کے حصول میں معاونت فراہم کرتی ہیں۔
