ڈاکٹر سیدہ راشدہ بتول کی قیادت میں دفتر کے تمام شعبہ جات کا داخلی ہم آہنگی اجلاس منعقد ہوا جس کا مقصد ٹیم ورک کو مضبوط بنانا اور عوامی سطح پر سروس کی فراہمی میں بہتری لانا تھا۔ اجلاس میں ہر شعبے نے اپنی ذمہ داریوں اور عملدرآمد کے طریقہ کار پر تفصیلی گفتگو کی۔شرکاء نے ادارتی رابطے، وسائل کی تقسیم اور فوری نوعیت کے اقدامات پر تبادلہ خیال کیا۔ اس موقع پر واضح کیا گیا کہ ہر سٹیپ کا مقصد اسلام آباد کے شہریوں تک بروقت اور معیاری طبی سہولتیں پہنچانا ہے، اور صحت کی خدمات کو زیادہ شفاف، قابل رسائی اور مؤثر بنانا اولین ترجیح ہونی چاہیے۔ڈسٹرکٹ ہیلتھ آفیسر نے داخلی مانیٹرنگ اور عملے کی تربیت پر زور دیا تاکہ روزمرہ آپریشنز میں بہتری آئے اور شہریوں کو بہتر نگہداشت میسر ہو۔ اجلاس میں مؤثر کوآرڈینیشن اور مربوط حکمت عملی اپنانے پر اتفاق ہوا تاکہ صحت کی خدمات کے معیار کو مستقل بنیادوں پر بلند کیا جا سکے۔دفتر نے کہا کہ آئندہ بھی اندرونی رابطوں اور کارکردگی کے جائزوں کو معمول بناتے ہوئے جلد از جلد عملی اقدامات یقینی بنائے جائیں گے تاکہ اسلام آباد کے رہائشیوں کے لیے معیاری اور آسان رسائی والی صحت کی خدمات برقرار رکھی جا سکیں۔
ڈسٹرکٹ ہیلتھ آفیسر نے دفتر میں مربوط اجلاس کی صدارت کی
کوئی تبصرہ نہیں ہے۔
