وزیرِ دفاع خاجہ محمد آصف نے پاکستان کے سفارتخانہ برائے جرمنی کے افسران و عملے کے ساتھ کھری اور تعمیری گفتگو کی جس میں ملکی اور علاقائی صورتِ حال پر مفصل تبادلۂ خیال کیا گیا۔ وزیرِ دفاع نے ملاقات کے دوران سفارتی مشن کے فرائض اور ان چیلنجز پر توجہ دلائی جو بیرونِ ملک پاکستانی برادری کو درپیش ہیں۔بات چیت میں دوطرفہ تعلقات کو مزید گہرا کرنے کے ممکنہ راستوں، قونصلر سہولیات کی بہتر فراہمی، اور پاکستانی شہریوں کی سہولت کاری کو ترجیحی بنیادوں پر آگے بڑھانے پر زور دیا گیا۔ وزیرِ دفاع نے سفارتخانے کے افسران کی موجودہ کارکردگی اور تعمیری کوششوں پر اطمینان کا اظہار کیا اور ان کی کاوشوں کو سراہا۔وزیرِ دفاع نے واضح کیا کہ حکومت بین الاقوامی سطح پر پاکستان کے روابط مضبوط بنانے کے سلسلے میں بھرپور عزم رکھتی ہے اور اس عمل میں سفارتی مشنز کو ہر ممکن تعاون فراہم کیا جائے گا۔ ملاقات میں انتظامی امور، مشن کی کارکردگی کو مزید موثر بنانے کے طریقہ کار اور سفارتی عملے کے حوصلہ افزائی کے امور پر بھی تبادلۂ خیال ہوا۔اس موقع پر سفارتخانے کے افسران نے جاری سرگرمیوں اور درپیش مسائل سے وزیرِ دفاع کو آگاہ کیا جبکہ وزیرِ دفاع نے مشن کی کوششوں کی تعریف کرتے ہوئے حکومت کی طرف سے تعاون کے تسلسل کا اعادہ کیا، اس امید کے ساتھ کہ متواتر رابطے سے دونوں طرفہ مفادات کو فروغ ملے گا۔
وزیرِ دفاع کی جرمنی میں سفارتخانے سے ملاقات
کوئی تبصرہ نہیں ہے۔
