عاطف اکرام شیخ نے فیلڈ مارشل سید عاصم منیر کی چیف آف ڈیفنس فورسز کے طور پر تعیناتی پر کاروباری برادری کی جانب سے مبارکباد پیش کی اور کہا کہ یہ فیصلہ ملکی سلامتی کے تناظر میں خوش آئند ہے۔ کاروباری حلقے نے بھی عاصم منیر کی تقرری کو قومی سلامتی کے لیے مثبت پیش رفت قرار دیا ہے۔صدر ایف پی سی سی آئی عاطف اکرام شیخ نے کہا کہ فیلڈ مارشل سید عاصم منیر کی تقرری دفاعی شعبے کے لیے خوشخبری ہے اور ان کی ماضی کی دلیرانہ قیادت اور شاندار فیصلہ سازی نے عالمی سطح پر ملک کی ساکھ کو مضبوط کیا ہے۔ کاروباری کمیونٹی نے اس تعیناتی کو مستقبل کے لیے محفوظ اور مثبت اقدام قرار دیا۔عاطف اکرام شیخ نے وفاقی حکومت کے فیصلے کو مستقبل کے منظر نامے کو دیکھتے ہوئے بہترین قرار دیتے ہوئے کہا کہ پاکستان کو سیاسی اور عسکری سطح پر منظم فیصلہ سازی اور طویل المدت پالیسی کے ساتھ آگے بڑھنے کی ضرورت ہے۔ انہوں نے کہا کہ ایسی قیادت ملک کو مقامی اور عالمی سطح پر بلندیاں دلانے میں مدد دے گی۔کاروباری طبقات نے توقع ظاہر کی کہ عاصم منیر کی قیادت میں دفاعی اور قومی سلامتی کے معاملات میں واضح حکمت عملی اور مستحکم فیصلے سامنے آئیں گے، جس سے ملک میں استحکام اور اعتماد کی فضا مضبوط ہوگی اور اقتصادی و دفاعی استحکام کو فروغ ملے گا۔
فیلڈ مارشل سید عاصم منیر کی تعیناتی پر مبارکباد
کوئی تبصرہ نہیں ہے۔
