اسلام آباد، ١١ اکتوبر ٢٠٢٥ء میں اسپیکر قومی اسمبلی سردار ایاز صادق نے ٩ اکتوبر کو کولمبو، سری لنکا میں منعقدہ تقریب میں ٹاپ ۵۰ خواتین عالمی ایوارڈ حاصل کرنے پر ممبر قومی اسمبلی ہما چغتائی کو مبارکباد پیش کی۔ اس موقع پر اسپیکر نے ہما چغتائی کی کامیابی کو خوش آئند قرار دیتے ہوئے ان کے لیے نیک خواہشات کا اظہار کیا۔اسپیکر نے کہا کہ ہما چغتائی کی انسانی حقوق کے فروغ، خواتین کو بااختیار بنانے اور بہتر طرزِ حکمرانی کے فروغ میں نمایاں خدمات اور جدو جہد کو تسلیم کرتے ہوئے یہ اعزاز ملنا تحسین کے لائق ہے۔ انہوں نے ہما چغتائی کے اعلیٰ کردار اور عوامی خدمات کو قومی وقار کا باعث قرار دیا۔سردار ایاز صادق نے بین الاقوامی سطح پر پاکستانی خاتون پارلیمینیر کی یہ کامیابی قوم کے لیے فخر کا موجب بیان کی اور کہا کہ پاکستانی خواتین نے ہر شعبے میں اپنی صلاحیتوں سے مثبت شناخت قائم کی ہے۔ اسپیکر نے اس کامیابی کو ملک کی نمائندگی میں ایک اہم سنگِ میل قرار دیا۔اسپیکر قومی اسمبلی نے اس عزم کا اعادہ کیا کہ پارلیمان خواتین کے حقوق، صنفی مساوات اور فیصلہ سازی کے عمل میں خواتین کی شمولیت کو یقینی بنانے کے لیے قانون سازی اور ادارہ جاتی اقدامات جاری رکھے گی۔ ہما چغتائی کی اس بین الاقوامی کامیابی کو پارلیمانی کوششوں کے تسلسل کے طور پر دیکھا جائے گا۔
اسپیکر کی ہما چغتائی کو اعزاز پر مبارکباد
کوئی تبصرہ نہیں ہے۔
