آج سکردو ائرپورٹ میں ایک مشق کے دوران ٹرمینل میں موجود افراد کی فائر ایمرجنسی کی جانچ کی گئی۔ مشق کے دوران فائر الارم فعال ہوا جس پر فوراً ایئرپورٹ فائر سروس نے ردعمل دیا اور ریسکیو ٹیموں نے فوری کارروائی کرتے ہوئے صورتحال کو قابو میں کیا۔ اس دوران کل ۳۵ افراد ٹرمینل میں موجود تھے جن میں سے ۳۴ افراد کو تربیت یافتہ عملہ دو منٹ کے اندر محفوظ طریقے سے باہر نکالنے میں کامیاب رہا۔مشکل حالات میں فائر سروس کی بروقت کارروائی اور عملے کی باہمی ہم آہنگی نے ہنگامی اخراجی مشق کے مقاصد واضح طور پر پورے کر دئیے۔ ابتدائی ریسکیو کے بعد کی جانے والی ثانوی تلاش میں ایک زخمی فرد ملا جسے فوری طبی امداد کے لیے بنظیر ہسپتال منتقل کیا گیا تاکہ اس کا طبی معائنہ اور ضروری علاج بروقت ممکن ہو سکے۔یہ مشق ہر سال دو مرتبہ لازمی طور پر منعقد کی جاتی ہے تاکہ ایئرپورٹ کی آپریشنل تیاری اور مسافروں و عملے کی حفاظت کو یقینی بنایا جائے۔ آپریٹنگ آفیسر اور ائیرپورٹ مینیجر نے تمام متعلقہ اداروں کی مشترکہ کوششوں کو سراہا اور کہا کہ باقاعدہ مشقیں حفاظتی نظام کو مضبوط بنانے، ہنگامی عمل کی مشق کرنے اور اسٹیک ہولڈرز کے درمیان تعاون کو بہتر کرنے کے لیے ضروری ہیں۔
سکردو ائرپورٹ میں ہنگامی اخراجی مشق کامیاب
کوئی تبصرہ نہیں ہے۔
