عاطف اکرام شیخ نے مکہ میں منعقدہ بزنس فورم کو پاک سعودیہ تعلقات میں اضافے کی واضح علامت قرار دیا اور کہا کہ دونوں ممالک اچھے اور برے وقت کے ساتھی ہیں اس لئے تجارتی رشتوں پر خصوصی توجہ لازم ہے۔ انہوں نے کہا کہ سعودی عرب میں بڑی تعداد میں موجود پاکستانی کمیونٹی دونوں معیشتوں کا اہم حصہ ہے اور حالیہ دفاعی معاہدہ دونوں ممالک کے قریبی تعلقات کا مظہر ہے۔ عاطف اکرام شیخ نے اس موقع پر سعودی ولی عہد کے ویژن دو ہزار تیس کو پاکستان سمیت پورے خطے کے لیے ترقی کا روڈ میپ قرار دیا۔افتتاحی تقریب میں سیکرٹری جنرل مکہ چیمبر آف کامرس محمد ناصر الاحمری، قونصل جنرل خالد مجید، نائب صدر ایف پی سی سی آئی طارق جدون، چیئرمین کیپٹل آفس کریم عزیز ملک اور چیئرمین کوآرڈینیشن ملک سہیل سمیت تجارتی برادری کی بڑی تعداد شریک ہوئی۔ فورم میں شریک کاروباری نمائندوں نے مختلف شعبوں میں تعاون کے مواقع اور پرائیویٹ سیکٹر کے درمیان روابط مضبوط کرنے کی ضرورت پر تبادلہ خیال کیا۔سیکرٹری جنرل مکہ چیمبر آف کامرس محمد ناصر الاحمری نے کہا کہ پاکستان نیشنل ویک کے موقع پر بزنس کمیونٹی کی میزبانی اعزاز کی بات ہے اور سعودی بزنس برادری دونوں ملکوں کے نجی شعبوں کو قریب لانے کے لیے سرگرم ہے۔ انہوں نے کہا کہ دونوں ممالک کی بزنس کمیونٹی ایک دوسرے سے سیکھ کر مشترکہ مواقع بڑھا سکتی ہے اور مختلف شعبوں میں تعاون کے وسیع امکانات دستیاب ہیں۔قونصل جنرل خالد مجید نے خطاب میں کہا کہ پاک سعودیہ تعلقات میں تجارتی تعلقات کی وسعت حکومت کی ترجیحات میں سر فہرست ہے اور پاکستان نیشنل ویک کا انعقاد پاکستانی مصنوعات کو سعودی مارکیٹ تک رسائی دلانے میں اہم کردار ادا کرے گا۔ انہوں نے یقین دلایا کہ پاکستانی سفارت خانہ بزنس کمیونٹی کو سعودی منڈی تک رسائی دینے کے لیے بھرپور تعاون کرے گا۔تقریب میں شریک راہنماؤں نے زور دیا کہ پاک سعودیہ تعلقات کو مضبوط بنانے کے لیے نجی شعبے کے درمیان عملی روابط اور تجارتی مواقع کو بروئے کار لانا ضروری ہے تاکہ دونوں ممالک کی معیشتیں مستحکم ہوں اور عوامی مفاد میں سود مند اشتراک عمل سامنے آئے۔
مکہ فورم نے پاک سعودیہ تعلقات کو مضبوط کیا
کوئی تبصرہ نہیں ہے۔
