اسلام آباد میں منعقدہ ایک تقریب میں فلسطینی شہریوں کے لیے ایک ماہہ آن لائن تربیتی پروگرام کی باقاعدہ شروعات کی گئی جس کا مقصد ہنگامی طبی صلاحیتوں کو مضبوط بنانا بتایا گیا۔ اس پروگرام کا اہتمام کومسٹیچ نے فاطمہ میموریل ہسپتال اور نور انٹرنیشنل یونیورسٹی کے تعاون سے کیا ہے اور تقریب المنحرم کانفرنس روم، او آئی سی-کومسٹیچ سیکرٹریٹ میں یہ تقریب منعقد ہوئی۔تقریب میں کے مقررین نے کہا کہ تعلیمی اور تربیتی مواقع کے ذریعے صلاحیت سازی بحران کے شکار کمیونیٹیز کے لیے سب سے مؤثر سرمایہ کاری ہے۔ مقررین نے اس اقدام کو فلسطینی عوام کے ساتھ یکجہتی اور صحت کے شعبے میں طویل المدتی مضبوطی کی جانب ایک اہم قدم قرار دیا۔پروگرام کی تیاری اور تعاون پر فاطمہ میموریل ہسپتال اور نور انٹرنیشنل یونیورسٹی کی تعلیمی شراکت کو سراہا گیا جبکہ تنظیمِ تعاونِ اسلامی اور نمائندہ دفتر ریاستِ فلسطین کی مسلسل حمایت کا بھی خصوصی طور پر شکریہ ادا کیا گیا۔ آن لائن نشست میں الازہر یونیورسٹی غزہ کے وائس چانسلر اور نمائندہ دفتر کے اعلیٰ حکام نے بھی شرکت کر کے اس کورس کی اہمیت اور فوری افادیت پر زور دیا۔تقریب کے دوران بتایا گیا کہ یہ کورس خصوصی طور پر فلسطینی نیشنلز کے لیے ترتیب دیا گیا ہے تاکہ وہی اپنی رہائش گاہ میں رہتے ہوئے پیشہ ورانہ صلاحیتیں بہتر کر سکیں۔ کورس میں بیسک لائف سپورٹ، دل و پھیپھڑوں کی مصنوعی تنفس، زخمیوں اور صدمے کے علاج کے بنیادی اصول، ریڑھ کی ہڈی اور اعضائے جسم کی بندش، نفسیاتی مدد اور جسمانی بحالی کے ماڈیول شامل ہیں۔مقررین نے واضح کیا کہ حالیہ صورتحال نے ہنگامی طبی ردعمل، بروقت زندگی بچانے والے اقدامات اور زخم مینجمنٹ کی اہمیت کو بڑھا دیا ہے، اس لیے اس قسم کی تربیت نہ صرف فوری امداد کے لیے ضروری ہے بلکہ طویل مدت میں صحت کے شعبے کی قوتِ برداشت کو بھی بڑھاتا ہے۔انتظامیہ نے کہا کہ یہ تربیتی سلسلہ فلسطینی نوجوان طبی پیشہ وران کی پیشہ ورانہ خود اعتمادی اور عملی مہارتوں کو فروغ دے گا اور مستقبل میں ہنگامی صورتِ حال میں بہتر طبی خدمات کی فراہمی میں مددگار ثابت ہوگا۔
فلسطینیوں کے لیے بیسک لائف سپورٹ کورس کا آغاز
کوئی تبصرہ نہیں ہے۔
