اسلام آباد میں وزارتِ خارجہ نے وفاقی جمہوریہ ایتھوپیا کے خصوصی نمائندہ اور سفیر ڈاکٹر جیمال بیکر عبدولا کے اعزاز میں الوداعی ظہرانہ کا اہتمام کیا۔ تقریب میں ملکی و غیر ملکی نمائندے، سیاسی و سفارتی حلقوں کے نمائندے اور متعلقہ شعبہ جات سے وابستہ افراد نے شرکت کی۔اس موقع پر بین الاقوامی تنظیموں کے سربراہان، سرکاری حکام، مختلف ممالک کے سفیر اور ہائی کمشنرز، کاروباری برادری اور میڈیا کے نمائندے موجود تھے جنہوں نے دوطرفہ و کثیرالجہتی تعلقات کی مضبوطی میں ڈاکٹر جیمال بیکر کے خدمات کا اعتراف کیا۔ الوداعی ظہرانہ میں گفتگو کے دوران باہمی تعاون اور مستقبل میں روابط کو برقرار رکھنے پر زور دیا گیا۔وزارتِ خارجہ کے ایڈیشنل سیکرٹری (افریقہ) حمید اصغر خان نے ڈاکٹر جیمال بیکر کی خدمات کو سراہتے ہوئے کہا کہ انہوں نے پاکستان اور ایتھوپیا کے درمیان تعلقات کو بڑھانے میں نمایاں کردار ادا کیا۔ انہوں نے دوطرفہ تعلقات اور کثیرالجہتی تعاون میں سفیر کی کوششوں کو قابلِ قدر قرار دیا۔ڈاکٹر جیمال بیکر عبدولا نے اپنے دورِ ماموریت کے اختتام پر وزارتِ خارجہ اور میزبان حکام کا شکریہ ادا کیا اور پاکستانی عوام اور سرکاری حلقوں کی مہمان نوازی کو سراہا۔ انہوں نے امید ظاہر کی کہ دونوں ممالک کے مابین تعلقات مستقبل میں بھی موثر انداز میں فروغ پائیں گے۔تقریب کا انداز نہایت رسمی اور خوشگوار رہا، جہاں مختلف شعبہ ہائے زندگی کے نمائندوں نے الوداعی طور پر سفیر کے ساتھ خیالات کا تبادلہ کیا اور باہمی تعاون کے نئے مواقع پر بات چیت ہوئی۔
وزارتِ خارجہ نے سفیر ایتھوپیا کے اعزاز میں الوداعی ظہرانہ
کوئی تبصرہ نہیں ہے۔
