اسلام آباد میں منعقدہ بین الاقوامی گفتگو میں پی پی اے ایف کے سربراہ جناب نادر گل بریچ نے سبز معیشت کی تشکیل اور شمولیتی ترقی کے حوالے سے قومی و بین الاقوامی ماہرین کے ساتھ پالیسی سطح پر تبادلۂ خیال کیا۔ اجلاس میں تکنیکی و فنی تربیت کے کردار کو ماحولیاتی نقطۂ نظر سے تبدیل کرنے کی ضرورت پر زور دیا گیا اور پاکستان میں قابلِ عمل اقدامات پر روشنی ڈالی گئی۔”ہمارا برادری پر مبنی ماڈل کمزور طبقات کو ماحول دوست مہارتیں اور لچک سے لیس کرتا ہے۔” جناب نادر گل بریچ نے کہا کہ سبز مہارتیں معاشی مواقع پیدا کرنے کے ساتھ کمیونٹی کی موسمیاتی اور معاشی استحکام کو مضبوط کرتی ہیں۔پی پی اے ایف نے اپنی کارکردگی کو قومی سطح پر فروغ دینے کے لیے قابل ذکر کردار اجاگر کیا، جن میں گرین پاکستان مہم جیسے قومی اقدامات کو آگے بڑھانا، تکنیکی و فنی تربیت کو غربت کے خاتمے کے راستوں سے ہم آہنگ کرنا اور تربیتی شراکت داریوں کے ذریعے ماحول دوست کاروباری مواقع اور ماحولیاتی سیاحت کی ترویج شامل ہے۔ ان اہداف کو عملی جامہ پہنانے کے لیے پی پی اے ایف نے مقامی سطح پر شراکت داری اور حمایت کار ماڈل کو مرکزی حیثیت دی ہے۔جناب نادر گل بریچ نے کہا کہ پی پی اے ایف کا نیچے سے اوپر والا اپروچ مستقبل کے لئے تیار مواقع کی تشکیل میں مدد دے رہا ہے اور کمیونٹی کی سطح پر ماحولیاتی اور اقتصادی لچک کو مضبوط بنا رہا ہے۔ اس طرزِ عمل کے تحت سبز معیشت کے فروغ کے لیے مقامی ہنر، روزگار کے نئے مواقع اور ماحول دوست کاروبار کو ترجیح دی جائے گی تاکہ طویل المدت پائیداری اور شمولیت کو یقینی بنایا جا سکے۔
پی پی اے ایف کے سربراہ کا سبز معیشت میں کردار
کوئی تبصرہ نہیں ہے۔
