اسلام آباد ماڈل اسکول برائے لڑکیاں سیکٹر جی چھ میں جاری ویکسین مہم کا دورہ کرتے ہوئے ڈاکٹر مختار احمد بھرت نے میڈیا سے بات چیت میں اس مہم کی اہمیت اجاگر کی۔ انہوں نے واضح کیا کہ یہ صرف طبی مہم نہیں بلکہ ہماری بیٹیوں کے روشن مستقبل کے لیے ایک عملی قدم ہے اور اس کا مقصد نوجوان نسل کی صحت کو یقینی بنانا ہے۔یہ صرف ویکسین مہم نہیں بلکہ ہماری بیٹیوں کے روشن مستقبل کا وعدہ ہے۔ ہر ویکسین لگنے والی لڑکی ایک محفوظ زندگی، محفوظ خاندان اور محفوظ مستقبل کی ضمانت ہے۔ڈاکٹر مختار نے کہا کہ ایچ پی وی ویکسین محفوظ ہے اور اسلامی اقدار کے مطابق حلال تصور کی جاتی ہے، اس لیے والدین کو کسی تشویش کی ضرورت نہیں۔ انہوں نے مزید بتایا کہ سعودی عرب، متحدہ عرب امارات، قطر، ملائشیا، انڈونیشیا اور بنگلہ دیش جیسے ممالک نے اسے اپنے قومی پروگرامز میں شامل کر رکھا ہے، اور عالمی ادارہ صحت بھی اس ویکسین کی اہمیت سے متفق ہے کہ یہ لاکھوں جانیں بچا سکتی ہے۔وزیرِ مملکت نے والدین پر زور دیا کہ وہ اپنی نو تا چودہ سال کی بیٹیوں کو بلا معاوضہ ویکسین لگوائیں تاکہ ان کی صحت، تعلیم اور مستقبل محفوظ بن سکے۔ ایچ پی وی ویکسین اسکول سطح پر فراہم کی جا رہی ہے اور حکومت کی کوشش ہے کہ ہر مستحق بچی تک یہ سہولت پہنچے۔
وزیرِ مملکت کا اسکول میں ویکسین مہم کا دورہ
کوئی تبصرہ نہیں ہے۔
