وزیراعظم یوتھ پروگرام نے نوجوانوں کو بااختیار بنانے کے لئے ایک اہم قدم اٹھایا ہے۔ اس سلسلے میں پروگرام نے ‘ڈی سٹینیشنز’ نامی ادارے کے ساتھ معاہدے پر دستخط کیے ہیں تاکہ پاکستانی نوجوانوں کو کریئیٹر اکانومی اور تین کھرب ڈالرز کی حلال مارکیٹ کے لئے تیار کیا جاسکے۔
اس شراکت داری کے تحت نوجوانوں کو آرٹیفیشل انٹیلی جنس کے ذریعے سیاحت کے جدید اوزار فراہم کیے جائیں گے اور انہیں مواد تخلیق کرنے اور حلال کاروبار شروع کرنے کی تربیت دی جائے گی۔ اس اقدام کا مقصد نوجوانوں کو روزگار کے مواقع فراہم کرنا، جدت لانا اور انہیں عالمی سطح پر کامیابی کی راہیں دکھانا ہے۔
حکومت پاکستان کا کہنا ہے کہ ملک کے نوجوان مستقبل کی ریڑھ کی ہڈی ہیں اور انہیں عالمی مارکیٹ کے تقاضوں کے مطابق تیار کرنا وقت کی اہم ضرورت ہے۔ اس معاہدے کے بعد امید کی جارہی ہے کہ نوجوان نہ صرف مقامی طور پر بلکہ بین الاقوامی سطح پر بھی اپنی صلاحیتوں کا لوہا منوا سکیں گے۔
