اسلام آباد: اسلام آباد میں پولیو کی خصوصی مہم کا آغاز کر دیا گیا ہے جس کے تحت پانچ سال سے کم عمر بچوں کو پولیو سے بچاؤ کے قطرے پلائے جا رہے ہیں۔ ضلعی ہیلتھ آفیسر اسلام آباد، عالمی ادارہ صحت پاکستان اور دیگر ادارے اس مہم میں بھرپور کردار ادا کر رہے ہیں۔
اس مہم کے دوران تربیت یافتہ ٹیمیں گھر گھر جا کر بچوں کو پولیو کے قطرے پلانے میں مصروف ہیں۔ مہم کی نگرانی کے لیے فیلڈ مانیٹرز بھی فعال انداز میں اپنی خدمات سرانجام دے رہے ہیں تاکہ ویکسینیشن کے عمل کو مؤثر اور معیاری بنایا جا سکے۔
انتظامیہ کی جانب سے والدین سے اپیل کی گئی ہے کہ وہ پانچ سال سے کم عمر اپنے تمام بچوں کو پولیو کے قطرے ضرور پلوائیں تاکہ پاکستان کو پولیو فری ملک بنانے کے قومی ہدف کو حاصل کیا جا سکے۔
