پارلیمانی سیکرٹری برائے وزارت دفاع، محترمہ زیب جعفر نے حال ہی میں اسلام آباد انٹرنیشنل ائیرپورٹ کا دورہ کیا جہاں انہیں ائیرپورٹ کے چیف آپریٹنگ آفیسر اور دیگر اعلیٰ حکام نے خوش آمدید کہا۔ اس موقع پر محترمہ زیب جعفر کو ائیرپورٹ کی مجموعی کارکردگی، سہولیات اور مسافروں کی حفاظت کے انتظامات سے متعلق تفصیلی بریفنگ دی گئی۔
دورے کے دوران حکام نے انہیں ائیرپورٹ کے آپریشنز، سکیورٹی معاملات، مشترکہ سرچ میکانزم اور مسافر سہولت کے اقدامات کے بارے میں آگاہ کیا۔ محترمہ زیب جعفر نے نو تعمیر شدہ چینی ایگزیکٹو لاؤنج کا معائنہ بھی کیا اور صحت، امیگریشن اور قطار بندی کے نظام میں بہتری سے متعلق معلومات حاصل کیں۔
محترمہ زیب جعفر نے اسلام آباد انٹرنیشنل ائیرپورٹ کی سہولیات اور انتظامات پر اطمینان کا اظہار کرتے ہوئے حکام کی کارکردگی کو سراہا۔
