پریس ریلیز کے مطابق پاکستان ریڈ کریسنٹ سوسائٹی خیبر پختونخوا کے یوتھ اینڈ والنٹیئرز ڈیپارٹمنٹ نے صوبائی ہیڈکوارٹر میں نوجوانوں کی قیادت میں ماحولیاتی تبدیلی کے اقدامات پر مبنی ریڈ ٹاک سیشن کا کامیاب انعقاد کیا۔ اس پروگرام کا مقصد نوجوانوں کو موسمیاتی تبدیلی کے حوالے سے سرگرم عمل کرنا اور ان کی رہنمائی کرنا تھا۔
اس سیشن میں خصوصی مہمان کے طور پر نورالعین اور اعزاز احمد شریک ہوئے۔ اعزاز احمد، جو کہ کاپ 29 وفد کا حصہ اور ماحولیاتی تحفظ کے فعال نوجوان وکیل ہیں، نے نوجوانوں کو اپنی کمیونٹیز میں موسمیاتی بہتری کے لیے مضبوط اقدامات اٹھانے کی تلقین کی۔ دونوں مہمان مقررین نے رضاکاروں کو متاثر کن پیغامات دیے اور انہیں رہنمائی فراہم کی۔
تقریب کے آخر میں نائب چیئرمین کی جانب سے نمایاں کارکردگی دکھانے والے رضاکاروں کو تعریفی اسناد بھی پیش کی گئیں، جن کے ذریعے ان کی خدمات کو سراہا گیا۔ اس اقدام کا مقصد مزید نوجوانوں کو رضاکارانہ بنیادوں پر موسمیاتی تبدیلی کے خلاف سرگرم ہونے کی ترغیب دینا تھا۔
