پشاور میں ہونے والی پری-لوکل کانفرنس آف یوتھ خیبر پختونخوا میں گورنر خیبر پختونخوا فیصل کریم کنڈی کی خصوصی شرکت نے نوجوانوں کی قیادت اور ماحولیاتی تحفظ کے حوالے سے حکومتی عزم کو اجاگر کیا۔ گورنر ہاؤس میں منعقدہ اس تقریب میں گورنر کنڈی نے نوجوان کلائمٹ رہنماؤں اور این وائی سی سی سی سمیت دیگر تنظیموں کی ماحول دوست کاوشوں کو سراہا۔
اپنے خطاب میں گورنر فیصل کریم کنڈی نے کہا کہ پاکستان کو ماحولیاتی مسائل اور ملکی اہداف کے حصول کے لیے نوجوانوں کی قیادت، ماحول دوست تعلیم اور کمیونٹی کو مضبوط کرنے میں سرمایہ کاری کرنی چاہیے۔ انہوں نے زور دیا کہ نوجوانوں کو قوت دینے سے ہی پائیدار مستقبل کی سمت بڑھا جا سکتا ہے اور حکومت و نوجوانوں کے اشتراک کو ملک کے روشن مستقبل کے لیے ناگزیر قرار دیا۔
تقریب میں شرکاء نے حکومتی تعاون اور رہنمائی کو خوش آئند قرار دیتے ہوئے نوجوانوں کی ماحولیاتی کوششوں کو مزید مؤثر بنانے کے عزم کا اعادہ کیا۔ اس موقع پر این وائی سی سی سی نے گورنر خیبر پختونخوا کا تہہ دل سے شکریہ ادا کیا اور کہا کہ ان کی مسلسل سرپرستی نوجوانوں کی کلائمٹ ایکشن کے لیے حوصلہ افزاء اور راہنما ہے۔
