۱۷ دسمبر ۲۰۲۵ کو کوہاٹ یونیورسٹی برائے سائنس و ٹیکنالوجی میں انٹر بورڈز کوآرڈینیشن کمیشن اور یونیورسٹی کے اشتراک سے ایک یک روزہ ورکشاپ کا انعقاد ہوا جس کا مقصد تعلیمی اداروں اور امتحانی شعبوں کو جدید الیکٹرانک نظاموں سے آگاہ کرنا تھا۔ ورکشاپ میں شرکاء کو ڈیجیٹل امتحانات کے نفاذ، محفوظ پیپر سیٹنگ اور مرکزی سوالات بینک کی ترتیب کے طریق کار پر تفصیلی رہنمائی فراہم کی گئی۔تقریب کے دوران اس بات پر زور دیا گیا کہ ڈیجیٹل امتحانات میں شفافیت، قابلیت اور معیار کو برقرار رکھنے کے لیے قومی اور بین الاقوامی معیار اپنانا ضروری ہے۔ شرکاء نے ٹیکنالوجی سے لیس امتحانی نظام کی افادیت، نتائج کی رفتار اور قابلِ اعتبار جانچ کے طریقے پر بھرپور تبادلۂ خیال کیا۔مقررین میں ڈاکٹر غلام علی ملاہ بطور ایگزیکٹو ڈائریکٹر انٹر بورڈز کوآرڈینیشن کمیشن، پروفیسر ڈاکٹر ظفر الیاس وائس چانسلر کوہاٹ یونیورسٹی، محمد شفیق مشیر اصلاحاتِ امتحانات اور محمد کاشف نائب ڈائریکٹر انٹر بورڈز کوآرڈینیشن کمیشن شامل تھے جنہوں نے عملی مثالوں اور پالیسی نکات کی روشنی میں ڈیجیٹل امتحانات کے نفاذ کے عملی پہلوؤں کی وضاحت کی۔ورکشاپ میں خیبر پختونخوا کی مختلف جامعات اور تعلیمی بورڈز کے فیکلٹی ارکان اور امتحانی شعبوں کے نمائندوں نے شرکت کی اور سوالات بینک کی مرکزی منیجمنٹ، پیپر سیٹنگ کے محفوظ طریقہٴکار اور امتحانی اصلاحات کے حوالے سے مفصل تبادلۂ خیال کیا گیا۔ شرکاء نے کہا کہ ان اقدامات سے امتحانی نظام میں شفافیت اور معیار کو بہتر بنایا جا سکے گا۔منتظمین نے امید ظاہر کی کہ اس نوعیت کی تربیتی سرگرمیاں ڈیجیٹل امتحانات کے نفاذ کو تیز کریں گی اور تعلیمی اداروں کو جدید معیارات کے مطابق جانچ کے طریقے اپنانے میں مدد ملے گی۔ شرکاء نے آئندہ مزید ورکشاپس اور عملی تربیت کی ضرورت پر بھی اتفاق کیا۔
انٹر بورڈز اور کوہاٹ یونیورسٹی نے ڈیجیٹل امتحانی ورکشاپ منعقد کی
کوئی تبصرہ نہیں ہے۔
