اسلام آباد میں ریڈ کریسنٹ سوسائٹی نے ہر شراکت معنی رکھتی ہے کے مرکزی پیغام کے ساتھ عالمی رضاکار دن منایا جہاں کڈٹ کالج حسن ابدال اور دیگر تعلیمی اداروں کے طلبہ نے شرکت کی اور تقریب میں فعال شریک رہے۔ یہ موقع رضاکارانہ خدمات کی اہمیت اور نوجوانوں کے کردار کو اجاگر کرنے کے لیے مخصوص تھا۔تقریب کا روایتی مارچ پاس اور اسٹیج پلے ریڈ کراس اور ریڈ کریسنٹ کی خدمات اور میراث پر مبنی تھا جس نے حاضرین کو ادارے کی تاریخ اور انسانی ہمدردی کے مقصد سے روشناس کروایا۔ اسٹیج پلے میں نوجوانوں کی شرکت نے پیغام کو واضح اور مؤثر انداز میں پہنچایا۔چیئرمین مسز فرزانہ نیک نے رضاکاروں کی محنت اور وابستگی کو سراہا اور کہا کہ رضاکار ادارے کے انسانی کام کا دل ہیں، انہوں نے نوجوانوں پر زور دیا کہ وہ آگے بڑھیں اور اپنی کمیونٹی کی خدمت کریں، خاص طور پر ایسے مواقع پر جب ملک کو آفات اور سماجی مسائل کا سامنا ہو۔سیکرٹری جنرل محمد عباد اللہ خان نے کہا کہ رضاکار تنظیم کے ہر گوشے میں خاص طور پر آفات کے ردعمل اور کمیونٹی پروگرامز میں نمایاں کردار ادا کر رہے ہیں، اور اسی عزم کے باعث ادارہ ملک بھر میں متاثرہ افراد تک بروقت امداد پہنچا رہا ہے۔بین الاقوامی ریڈ کراس فیڈریشن اور جرمن ریڈ کراس کے نمائندوں نے بھی تقریب میں شرکت کی اور رضاکاروں کی خدمات کو خراجِ تحسین پیش کرتے ہوئے اپنا تسلسلِ تعاون اور سفارتی و تکنیکی معاونت برقرار رکھنے کا یقین دلایا۔ ان رویوں نے مقامی رضاکارانہ کوششوں کی اہمیت کو مزید اجاگر کیا۔تقریب کے آخر میں مختلف شعبوں میں نمایاں خدمات انجام دینے والے رضاکاروں کو اعزازی شیلڈز سے نوازا گیا اور کیک کاٹ کر تمام شرکاء اور رضاکاروں کی خدمات کا اعتراف کیا گیا، اس موقع پر اس بات پر زور دیا گیا کہ عالمی رضاکار دن ہمیں یاد دلاتا ہے کہ ہر فرد کی حصہ داری سماجی بہبود میں معنی رکھتی ہے۔
ریڈ کریسنٹ نے عالمی رضاکار دن شاندار انداز میں منایا
کوئی تبصرہ نہیں ہے۔
